தமிழில் தீனா படத்தின் மூலம் இயக்குநராக அறிமுகமான ஏ.ஆர். முருகதாஸ், தொடர்ந்து ரமணா, கஜினி, துப்பாக்கி, ஏழாம் அறிவு, கத்தி, சர்கார் போன்ற வெற்றிப் படங்களை வழங்கியுள்ளார். சமீபத்தில் அவர் இயக்கிய சிக்கந்தர் படம் வெளியானது. ஆனால் அந்த படம் கலவையான விமர்சனங்களையே சந்தித்தது.
அதன்பின், ஏ.ஆர். முருகதாஸ் தற்போது சிவகார்த்திகேயன் நடிப்பில் மதராஸி என்ற படத்தை இயக்கியுள்ளார். இதில் ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய வேடங்களில் நடித்துள்ளனர். ஸ்ரீ லட்சுமி மூவிஸ் தயாரித்துள்ள இந்த படம் வரும் செப்டம்பர் 5ஆம் தேதி திரையரங்குகளில் வெளியாக உள்ளது.
இயக்குனர் ஏ.ஆர்.முருகதாஸ் சமீபத்திய ஒரு நேர்காணலில் மதராஸி படம் குறித்து சுவாரஸ்யமான தகவலை பகிர்ந்துள்ளார். அதில், 7 வருடங்களுக்கு முன் மதராஸி படத்தில் உள்ள கதாபாத்திரத்தின் ஒரு குணாதிசயத்தை மட்டும் ஷாருக்கானிடம் ஒன்லைனாக சொன்னேன். அது அவரை கவர்ந்தது. பின்னர் அதற்கான பேச்சுவார்த்தை சரியாக நடக்கவில்லை. இல்லாததால் தொடரவில்லை. பின்னர் தான் அந்த கதாபாத்திரத்தை மேலும் மேம்படுத்தி இந்த கதைக்கு சிகார்த்திகேயனை தேர்வு செய்தேன் என்றுள்ளார்.
