ஆதிக் ரவிச்சந்திரன் இயக்கத்தில் உருவாகியுள்ள ‘குட் பேட் அக்லி’ திரைப்படத்தில் அஜித், த்ரிஷா உள்ளிட்ட பலர் முக்கிய கதாப்பாத்திரங்களில் நடித்துள்ளனர். இந்த படத்தின் சென்சார் செயல்முறை முடிவடைந்து, நேற்று அந்த படத்திற்கு தணிக்கை சான்றிதழ் வழங்கப்பட்டது. ‘யுஎ 16+’ என்ற வகை சான்றிதழ், அதாவது 16 வயதுக்கு மேற்பட்டவர்கள் மட்டுமே காண உகந்தது என அறிவிக்கப்பட்டுள்ளது.
இந்தப் படத்தின் கால அளவு 3 மணி நேரத்தை எட்டாமல், 2 மணி நேரம் 20 நிமிடங்களாக மட்டுமே இருப்பது ரசிகர்களுக்கு ஓர் நல்ல விஷயமாகும். சமீபத்திய சில முன்னணி நடிகர்கள் நடித்த படங்கள் 2 மணி நேரம் 45 நிமிடங்களுக்கும் அதிகமாக இருந்து, ரசிகர்களுக்கு சலிப்பை ஏற்படுத்தியிருந்தன. உதாரணமாக, ‘விடாமுயற்சி’ திரைப்படம் 2 மணி நேரம் 34 நிமிடங்கள் நீளமாக இருந்தது. அதைப் போலவே இல்லாமல், ‘குட் பேட் அக்லி’ படம் கால் மணி நேரம் குறைவாகவே அமைந்துள்ளது.
இவையனைத்தையும் தாண்டி, இந்த படத்தின் தணிக்கை சான்றிதழில் இடம்பெற்ற ஒரு தகவல் ரசிகர்களிடம் ஆச்சரியத்தை ஏற்படுத்தியது. அதாவது, அஜித் நடித்த படத்தில் இவ்வளவு அதிகமான தவறான வார்த்தைகள் பயன்படுத்தப்பட்டுள்ளதா என்பது தான். பல தவறான வார்த்தைகள், குறிப்பாக ‘அக்லி’ எனப்படும் வார்த்தைகள் மியூட் செய்யப்பட்டுள்ளன என்பது ரசிகர்களிடையே சற்று அதிர்ச்சியை ஏற்படுத்தியுள்ளது.
