பிரபல நடிகை ஐஸ்வர்யா ராய்-ன் கார் மீது பேருந்து மோதி விபத்து… யாருக்கும் காயம் எதுவும் இல்லை என தகவல்!

பிரபல பாலிவுட் நடிகை ஐஸ்வர்யா ராய் பச்சன்.மும்பையில் நேற்று ஐஸ்வர்யா ராய் பச்சனின் கார் மீது பேருந்து ஒன்று மோதியது. அவரது செக்யூரிட்டிகள் இந்த நிலைமையை கண்டு காரை விட்டு வெளியே வந்தனர்.

இந்தச் சம்பவத்தால் சாலையில் சிறிது நேரம் பரபரப்பு ஏற்பட்டது. அதிர்ஷ்டவசமாக யாருக்கும் காயம் ஏற்படவில்லை.

இதுகுறித்த வீடியோ சமூக வலைதளத்தில் வெளியாகி வைரலானது. ஐஸ்வர்யா ராய்க்கு என்ன ஆச்சு என ரசிகர்கள் கருத்துகளை பதிவிட்டனர். இந்தச் சம்பவத்தின்போது நடிகை ஐஸ்வர்யா ராய் காரில் இல்லை என அறிந்து ரசிகர்கள் சற்று நிம்மதி அடைந்தனர்.