இயக்குனர் ராஜ்குமார் பெரியசாமியின் இயக்கத்தில் நடிகர் சிவகார்த்திகேயன் மற்றும் நடிகை சாய் பல்லவி நடித்துள்ள ‘அமரன்’ திரைப்படம் தீபாவளி அன்று திரையரங்குகளில் வெளியிடப்பட்டது. மறைந்த ராணுவ வீரர் மேஜர் முகுந்த் வரதராஜனின் வாழ்க்கையை மையமாகக் கொண்டு உருவாக்கப்பட்டுள்ள இப்படத்தில், சிவகார்த்திகேயன் மேஜர் முகுந்த் வரதராஜனின் கதாபாத்திரத்திலும், சாய் பல்லவி அவரது மனைவி இந்து ரெபேக்கா கதாபாத்திரத்திலும் நடித்துள்ளனர்.
இந்த படம் ரசிகர்களிடையே பெரும் வரவேற்பைப் பெற்று, வசூல் சாதனைகளையும் உருவாக்கி வருகிறது. இதனால் பல திரைப்பிரபலங்கள், அரசியல் தலைவர்களும் இப்படத்தினை பாராட்டி வருகின்றனர்.
அந்த வரிசையில் நடிகர் சூர்யா ‘அமரன்’ படத்தினை பாராட்டியுள்ளார். இதுதொடர்பாக அவர் கூறியதாவது, ‘அமரன்’ படத்தின் மூலம் மேஜர் முகுந்த் மற்றும் இந்து ரெபேக்காவின் உலகத்தை காண முடிந்தது. இப்படத்தில் அனைவரும் உண்மையோடு இதயப்பூர்வமாக உழைத்துள்ளனர். படத்தின் வெற்றிக்கு எனது பாராட்டுகள் என அவர் குறிப்பிட்டுள்ளார். மேலும், சூர்யா, ஜோதிகா மற்றும் நடிகர் சிவகுமார் ‘அமரன்’ படக்குழுவினரையும் நேரில் சந்தித்து பாராட்டுகளை தெரிவித்தார்கள்.
