சசிகுமார், சிம்ரன் நடித்த ‘டூரிஸ்ட் பேமிலி’ திரைப்படம் சமீபத்தில் வெளியிடப்பட்டு நல்ல வரவேற்பைப் பெற்றது. இப்படத்தை இயக்கியவர் அபிஷன் ஜீவிந்த். தற்போது அவர், அதே படத்தில் உதவி இயக்குநராக பணியாற்றிய மதன் இயக்கும் புதிய படத்தில் நடித்து வருகிறார்.
இந்த படத்தை எம்ஆர்பி என்டர்டெயின்மென்ட் மற்றும் சவுந்தர்யா ரஜினிகாந்த் இணைந்து தயாரிக்கின்றனர். இப்படத்தில் அபிஷன் ஜீவிந்த் ‘சத்யா’ எனும் கதாபாத்திரத்தில் நடித்துள்ளார். மலையாள நடிகை அனஸ்வரா ராஜன் நாயகியாக ‘மோனிஷா’ என்ற கதாபாத்திரத்தில் நடித்துள்ளார்.
படத்தின் படப்பிடிப்பு பணிகள் சமீபத்தில் நிறைவடைந்த நிலையில், தற்போது இப்படத்திற்கான டப்பிங் பணிகளில் அபிஷன் ஜீவிந்த் மற்றும் அனஸ்வரா ராஜன் ஈடுபட்டுள்ளனர். இப்படத்தின் டைட்டில் இன்னும் அறிவிக்கப்படவில்லை, ஆனால் விரைவில் டைட்டில் டீசர் வெளியாகும் என்று எதிர்பார்க்கப்படுகிறது.
