ஸ்பிரிட் மற்றும் அனிமல் 2 பட அப்டேட் கொடுத்த இயக்குனர் சந்தீப் ரெட்டி வங்கா!

பிரபல நடிகர் பிரபாஸ் தற்போது ‘தி ராஜா சாப்’ மற்றும் ‘பவுஜி’ படங்களின் படப்பிடிப்பில் தீவிரமாக பங்கேற்று வருகிறார். இவை மட்டுமல்லாமல், ‘ஸ்பிரிட்’, ‘சலார் 2’, ‘கல்கி 2’ மற்றும் இயக்குநர் பிரசாந்த் வர்மாவுடன் இன்னொரு புதிய படமும் அவரது கட்டுப்பாட்டில் உள்ளது.

இந்தப் படங்களில் ‘ஸ்பிரிட்’ திரைப்படம் ரசிகர்கள் மத்தியில் அதிகமாக எதிர்பார்க்கப்படும் படமாகும். இப்படத்தை ‘அனிமல்’ படத்தின் இயக்குநரான சந்தீப் ரெட்டி வங்கா இயக்குகிறார். தற்போது இந்தப் படத்தைப் பற்றிய ஒரு முக்கிய அப்டேட்டை தயாரிப்பாளர் பூஷன் குமார் வெளியிட்டுள்ளார்.

அதன்படி, ‘ஸ்பிரிட்’ படத்தின் படப்பிடிப்பு இன்னும் இரண்டு முதல் மூன்று மாதங்களுக்குள் துவங்கும் என்றும், இந்தப் படம் வெளியான பிறகு ‘அனிமல் 2’ படத்தின் தயாரிப்பும் தொடங்கும் என்றும் அவர் தெரிவித்துள்ளார்.