நடிகரும் இயக்குநருமான பிரதீப் ரங்கநாதன் முக்கிய கதாபாத்திரத்தில் நடித்துள்ள ‘டிராகன்’ படத்தின் படப்பிடிப்பு நிறைவடையும் தருவாயில் உள்ளது. படத்தின் வேலைகளை இயக்குநர் அஸ்வத் மாரிமுத்து தீவிரமாக முடித்துக் கொண்டிருக்கிறார். இந்த திரைப்படம் காதலர் தின ரிலீசாக வெளிவரும் என்று கூறப்படுகிறது.
விக்னேஷ் சிவன் இயக்கியுள்ள ‘LIK’ படத்திலும் பிரதீப் ரங்கநாதன் நடித்துள்ள நிலையில், அது கோடை விடுமுறைக்கான படமாக வெளிவரும் என்று எதிர்பார்க்கப்படுகிறது. இதே சமயத்தில், ‘டிராகன்’ படத்தின் முதல் பாடல் இன்று வெளியிடப்பட்டது. பிரதீப் ரங்கநாதனுடன் இயக்குநர் கௌதம் மேனன் இணைந்து நடனமாடிய பாடல் ரசிகர்களின் கவனத்தை ஈர்த்துள்ளது.
‘டிராகன்’ படத்தில் பிரதீப் ரங்கநாதன், கௌதம் மேனன், மிஷ்கின், கேஎஸ் ரவிக்குமார், விஜே சித்து போன்ற பலர் முக்கிய கதாபாத்திரங்களில் நடித்துள்ளனர். படப்பிடிப்பு நிறைவடைந்த நிலையில், பிந்தைய பணிகள் வேகமாக நடைபெற்று வருகின்றன. காதலர் தினத்தை முன்னிட்டு படம் வெளியாகும் என்று கூறப்பட்டுள்ளது. ஏஜிஎஸ் நிறுவனத்தின் தயாரிப்பில் உருவாகும் இத்திரைப்படத்திற்கு லியோன் ஜேம்ஸ் இசையமைத்துள்ளார். இன்றைய தினம் வெளியான முதல் பாடலின் லிரிக் வீடியோ ரசிகர்களிடையே மிகுந்த வரவேற்பைப் பெற்றுள்ளது.
