நடிகர் ரஜினிகாந்தின் 171-வது திரைப்படமான ‘கூலி’, பான் இந்தியா படமாக உருவாகி வருகிறது. இந்தப் படத்தை இயக்குநர் லோகேஷ் கனகராஜ் இயக்க, சன் பிக்சர்ஸ் நிறுவனம் தயாரிக்கிறது. இப்படத்தில் சவுபின் ஷாயிர், நாகார்ஜுனா, சத்யராஜ், உபேந்திரா, சுருதி ஹாசன் உள்ளிட்ட பலர் முக்கிய கதாபாத்திரங்களில் நடித்து வருகின்றனர். இதற்கு மேலும், பூஜா ஹெக்டே ஒரு குத்துப்பாட்டிற்காக நடனமாடியுள்ளார். இப்படத்திற்கு அனிருத் இசையமைக்கிறார்.
‘கூலி’ திரைப்படத்தின் படப்பிடிப்பு பணிகள் ஹைதராபாத் மற்றும் பாங்காக் ஆகிய இடங்களில் நடைபெற்று முடிந்தது. மீதமிருந்த காட்சிகள் சென்னையில் விறுவிறுப்பாக படமாக்கப்பட்டு, தற்போது முழு படப்பிடிப்பு பணிகளும் முடிவடைந்துவிட்டதாக கூறப்படுகிறது. இதையடுத்து, படத்திற்கான பின்னணி வேலைகள் தீவிரமாக நடைபெற்று வருகின்றன.
இப்படம் ஆகஸ்ட் 10-ஆம் தேதி அல்லது தீபாவளி பண்டிகையை முன்னிட்டு வெளியாவதாக எதிர்பார்க்கப்படுகிறது. இதற்கிடையில், ‘கூலி’ படத்தின் டீசர் எப்போது வெளியாகும் என ரசிகர்கள் மிகுந்த ஆவலுடன் எதிர்பார்த்து வருகின்றனர். இந்நிலையில், மார்ச் 14-ஆம் தேதி டீசர் வெளியாகும் என தகவல் வெளியாகியுள்ளது.
