தெலுங்கு நடிகர் பிரபாஸ் தெலுங்கு சினிமாவில் ஒரு முன்னணி நடிகராக மட்டுமல்லாது இந்திய அளவிலும் புகழ்பெற்ற நடிகராக உயர்ந்துள்ளார். தற்போது அவரது கைவசத்தில் “தி ராஜாசாப்”, “ஸ்பிரிட்”, “சலார் 2”, “கல்கி 2” போன்ற படங்கள் உள்ளன. சமீபத்தில், நாக் அஸ்வின் இயக்கத்தில் “கல்கி” திரைப்படம் கலவையான விமர்சனங்களை பெற்றாலும், வசூலில் ஆயிரம் கோடிக்கு மேல் சாதனை செய்தது.
இந்நிலையில், அவரது அடுத்த படங்களை மூன்று மொழிகளின் முக்கிய இயக்குனர்களுடன் இணைந்து நடிக்கவுள்ளார் என்ற தகவல் பரவி வருகிறது..
அதன்படி, தெலுங்கில் “ஹனுமான்” படத்தை இயக்கிய பிரசாந்த் வர்மா, தமிழில் லோகேஷ் கனகராஜ் மற்றும் ஹிந்தியில் ராஜ்குமார் ஹிராணி ஆகியோர் இயக்கத்தில் உருவாகும் பான் இந்தியா படங்களில் பிரபாஸ் நடிக்க உள்ளார் என கூறப்படுகிறது. லோகேஷ் கனகராஜ் இயக்கத்தில் பிரபாஸ் நடித்தால் எப்படி இருக்கும் என ரசிகர்கள் ஆர்வத்துடன் விவாதிக்க ஆரம்பித்துள்ளனர்.
