சூர்யா, தனது படங்களின் புரோமோஷன் பணிகளுக்காக பல பகுதிகளுக்கு சென்று கடுமையாக இயங்கி வருகிறார். அத்துடன், பல சுவாரஸ்ய நிகழ்ச்சிகளிலும் கலந்து கொண்டு மக்களை மகிழ்விக்கிறார். இந்த நிகழ்ச்சிகளில் ஒன்றாக, பாலைய்யாவின் “Unstoppable with NBK” நிகழ்ச்சியில் அவர் கலந்து கொண்டார். இதில், பாலைய்யா சூர்யாவிடம், “உங்கள் முதல் க்ரஷ் யார்? யாருக்கு க்ரஷ் இருக்காது?” என்று கேள்வி எழுப்பினார்.
இதற்கு சூர்யா பதில் சொல்லாமல் தயங்கி சிரித்தார். உடனே பாலைய்யா, சூர்யாவின் சகோதரர் கார்த்தியிடம், “உங்கள் அண்ணனின் முதல் க்ரஷ் யார்?” என்று கேள்வி கேட்டார். இதற்கு குறும்புடன் கார்த்தி, “அவருக்கு நடிகைகள் பிடிக்கும். ‘சிக்கு புக்கு ரயிலே’ என்றொரு பாடல் இருக்கிறது,” என சொன்னார்.
அதை கேட்டு, பாலைய்யா, “நடிகை கௌதமியா?” என்று முழுவதும் கூறி முடிக்க கார்த்தி சிரித்தார். இது நிகழ்ச்சியை மேலும் சுவாரஸ்யமாக மாற்றி ரசிகர்களை ஆச்சரியமடைய வைத்தது.
