ஆதிக் ரவிச்சந்திரன் இயக்கத்தில் நடிகர் அஜித்குமார் நடித்துள்ள ‘குட் பேட் அக்லி’ திரைப்படம் ஏப்ரல் 10 ஆம் தேதி வெளியாகவுள்ளது. இதன் டீசர் மற்றும் முதல் பாடல் ஏற்கனவே வெளியாகி, ரசிகர்களிடம் நல்ல வரவேற்பைப் பெற்றுள்ளது. இந்த நிலையில், (மார்ச் 30) மதியம் 1 மணியளவில் ‘காட் பிலஸ் யு மாமே’ என்ற இரண்டாவது பாடலை படக்குழு வெளியிட்டுள்ளது.
ஜிவி பிரகாஷ் இசையமைத்த இந்தப் பாடலை அனிருத் பாடியுள்ளார், மேலும் பாடல் வரிகளை ரோகேஷ் எழுதியுள்ளார். அதோடு, பாடலில் உள்ள ராப் வரிகளை பால் டப்பா என்றவர் எழுதி பாடியுள்ளார். இந்தப் பாடலும் ஹிட் அடித்துள்ளதால், படத்தின் மீதான எதிர்பார்ப்பு மேலும் அதிகரித்துள்ளது.
இந்தச் சூழலில், இயக்குனர் ஆதிக் ரவிச்சந்திரன், அஜித் சமீபத்தில் எடுத்த ஒரு செல்பி புகைப்படத்தை தனது எக்ஸ் தளப் பக்கத்தில் பகிர்ந்துள்ளார். இளமையான தோற்றத்தில் காணப்படும் அஜித்தின் படத்தை பகிர்ந்து, ‘இது ஏகே (அஜித் குமார்) சாரின் புது அவதாரம்’ என்று பதிவிட்டுள்ளார். இது வைரலாகி வருகிறது.
