அர்ஜுன் ரெட்டி மற்றும் அனிமல் போன்ற படங்களை இயக்கிய சந்தீப் ரெட்டி வங்கா இயக்கத்தில் உருவாகும் ‘ஸ்பிரிட்’ என்ற திரைப்படத்தில் பிரபாஸ் கதாநாயகனாக நடிக்கிறார். இதில் பிரபாஸ் ஒரு போலீஸ் அதிகாரியாக நடிக்கின்றார். பிரபாஸின் 25வது படமாக உருவாகும் இந்த திரைப்படத்தின் தயாரிப்புத் தொகை ரூ. 300 கோடி என தெரிவிக்கப்பட்டுள்ளது.
சமீபத்தில், இந்த படத்திற்கு இசையமைப்பாளராக ஹர்ஷவர்தன் ராமேஸ்வர் ஒப்பந்தமானார் என்ற தகவல் வெளியாகியது. மேலும், இந்த படத்தில் பிரபாஸுக்கு ஜோடியாக நடிகை மிருணாள் தாக்கூர் நடிக்க ஒப்பந்தமாகியுள்ளாராம். தெலுங்கு திரைப்படங்களில் முன்னணி நடிகையாக வலம் வரும் மிருணாள், இதன் மூலம் பிரபாஸுடன் முதன்முறையாக இணையவுள்ளார்.
மேலும், இந்த படத்தின் முக்கியமான மற்ற கதாபாத்திரங்களில் பாலிவுட்டின் பிரபல நட்சத்திர தம்பதியரான சைப் அலி கான் மற்றும் கரீனா கபூர் நடிக்கவுள்ளனர். இவர்கள் இந்த படத்தில் எதிர்மறை கதாபாத்திரங்களில் தோன்றவிருப்பது குறிப்பிடத்தக்கது.
