நடிகர் சிவகுமார் 1965ம் ஆண்டு வெளியான காக்கும் கரங்கள் திரைப்படத்தின் மூலம் தமிழ் திரையுலகில் தனது பயணத்தை தொடங்கினார். தொடர்ந்து, சிவாஜி கணேசன், எம்.ஜி.ஆர், முத்துராமன் ஆகிய முன்னணி நடிகர்களுடன் இணைந்து பல வெற்றிப் படங்களை வழங்கினார். சிந்து பைரவி, ரோசாப்பூ, ரவிக்கைக்காரி போன்ற திரைப்படங்களில் தனது தனித்துவமான நடிப்பை வெளிப்படுத்தி, ரசிகர்களின் விருப்பத்திற்குரிய நடிகராக நிலைபெற்றார்.
நடிப்புக்கு அப்பால், சிவகுமாருக்கு ஓவியர், மேடைப் பேச்சாளர் போன்ற பல்வேறு திறன்கள் உள்ளன. மேலும், யோகாவில் மிகப்பெரிய உயரத்தை தொட்டவராகவும் அடிக்கடி பேசப்படுகிறார். இன்றும் தனது உடல் ஆரோக்கியத்தை யோகா மூலமாகவே பராமரித்து வருகிறார். அவரது மகன்கள் சூர்யா மற்றும் கார்த்தி ஆகிய இருவரும் தமிழ் சினிமாவின் முன்னணி நடிகர்களாக தனக்கே உரிய இடத்தை பிடித்துள்ளனர்.
சிவகுமாருக்கு ஓவியம் மிகுந்த ஆர்வம் கொண்ட ஒரு கலை வடிவமாக இருக்கிறது. தற்போது கூட அவர் தொடர்ந்து ஓவியங்களை வரைவதோடு மட்டுமல்லாமல், அவை பல பிரபலங்களிடமும் பாராட்டை பெற்று வருகிறது. இவரது வாட்டர் கலர் ஓவியங்கள் போஸ்ட் கார்டுகளாக வெளியிடப்படுவது குறித்து மகிழ்ச்சி தெரிவித்த சூர்யா, தனது அப்பா மீது மேலும் பெருமிதம் கொள்வதாக குறிப்பிட்டுள்ளார். மேலும், சிவகுமாரின் ஓவியங்கள் அவரது தன்னலமற்ற அன்பை வெளிப்படுத்துவதாகவும், அந்த ஓவியங்களில் அவர் கொண்டுள்ள உணர்வுகளை பிரதிபலிக்கிறது என்றும் சூர்யா தெரிவித்துள்ளார். இதற்காக, அவர் சில ஓவியங்களை பகிர்ந்து, தனது மகிழ்ச்சியை ரசிகர்களுடன் பகிர்ந்துள்ளார்.
