பிரின்ஸ் பிக்சர்ஸ் தயாரிப்பில் புதிய படத்தில் நடிக்கும் நடிகர் கவின்.!

தமிழில் ‘லிப்ட்’, ‘டாடா’, ‘ஸ்டார்’ போன்ற படங்களில் நடித்ததன்மூலம் மக்களிடையே நல்ல வரவேற்பைப் பெற்றவர் நடிகர் கவின். சமீபத்தில் இவர் நடித்த ‘பிளடி பெக்கர்’ திரைப்படம் வெளியான நிலையில், அந்தப் படத்திற்கு கலவையான விமர்சனங்கள் வந்தன.

அதனைத் தொடர்ந்து தற்போது கவின், பிரபல நடன இயக்குநரான சதீஷ் கிருஷ்ணன் இயக்கிய ‘கிஸ்’ என்ற திரைப்படத்தில் நடித்துள்ளார். இந்த படம் விரைவில் திரைக்கு வரவிருக்கிறது.

அதன் பின், பிரின்ஸ் பிக்சர்ஸ் நிறுவனம் தயாரிக்க உள்ள புதிய திரைப்படத்தில் கவின் நடிக்க இருக்கிறார். இந்த படத்தை ‘தண்டட்டி’ திரைப்படத்தை இயக்கிய ராம் சங்கையா இயக்கவிருக்கிறார். இப்படத்திற்கான படப்பிடிப்பு  பணிகள் விரைவில் ஆரம்பிக்கப்படவுள்ளன.