தமிழ் திரைப்படங்களில் பிஸியாக வலம்வரும் நடிகர்களில் ஒருவர் கார்த்தி. அவர் நடித்துள்ள வா வாத்தியார் திரைப்படம் விரைவில் வெளியிடப்பட இருக்கிறது. அதன்பிறகு சர்தார் 2 படத்தின் பணிகளில் தீவிரமாக ஈடுபட்டு வருகிறார். இதற்குப்பின் டாணாக்காரன் தமிழ் இயக்கும் புதிய திரைப்படத்தில் நடிக்க உள்ளார். அதனைத் தொடர்ந்து கைதி 2 மற்றும் தீரன் அதிகாரம் 2 ஆகிய இரு திரைப்படங்களிலும் முக்கிய கதாபாத்திரங்களில் நடிக்கவுள்ளார். இவை மட்டுமல்லாமல் ஒரு தெலுங்குப் படத்திலும் அவர் நடிக்க திட்டமிட்டுள்ளார்.
இவ்வளவான பணிகளில் ஈடுபட்டு வரும் அவரிடம் இருந்தும், நடிகர் சங்கத்தின் பொருளாளராக பணியாற்றுவதற்காக அவர் நேரத்தை ஒதுக்கி செயல்பட்டு வருகிறார். விரைவில் நடிகர் சங்கத்திற்காக புதிய கட்டடம் திறக்கப்பட இருக்கிறது. அதன் பணிகளில் கார்த்தி முழுமையாக கவனம் செலுத்தி வருகிறார். அடிக்கடி அவர் நடிகர் சங்கத்தின் தற்காலிக அலுவலகமாக செயல்பட்டு வரும் அபார்ட்மென்டுக்குச் சென்று கணக்குகள் மற்றும் சட்டவழக்குகளை பார்வையிட்டு வருகிறார்.
இந்த கட்டடத் திட்டத்திற்கும், நலிந்த நிலையில் உள்ள பல நடிகர்களுக்கும் உதவுவதற்காக கடந்த சில ஆண்டுகளாக அவர் தனது சொந்த செலவில் பல லட்சங்களை பயன்படுத்தி, வெளியில் தெரியாமல் உதவியளித்து வருவதாகவும் கூறப்படுகிறது.
