தமிழில் சதுரங்க வேட்டை, தீரன் அதிகாரம் ஒன்று, நேர்கொண்ட பார்வை, போன்ற வெற்றிப் படங்களை இயக்கியவர் இயக்குநர் எச்.வினோத். தற்போது இவர் விஜய் நடிப்பில் ’ஜனநாயகன்’ படத்தை இயக்கியுள்ளார். இப்படம் பொங்கல் வெளியீடாக அடுத்தாண்டு ஜனவரி 9 ம் தேதி திரைக்கு வரவுள்ளது. இதில், நாயகியாக பூஜா ஹெக்டேவும் முக்கிய கதாபாத்திரத்தில் மமிதா பைஜூவும் நடித்துள்ளனர்.
அரசியலில் களமிறங்கி இருக்கும் விஜய் நடிக்கும் கடைசி படம் இதுதான் என கூறப்படும் நிலையில் படத்தின் மீது மிகப்பெரிய எதிர்பார்ப்பு ஏற்பட்டுள்ளது. இப்படத்தில் பிரியாமணி, பாபி தியோல், கவுதம் மேனன், நரேன் ஆகியோர் இப்படத்தில் நடித்துள்ளனர். இந்த படத்திற்கு அனிருத் இசையமைத்துள்ளார்.
இப்படத்தின் பர்ஸ்ட் சிங்கிள் தீபாவளிக்கு வெளியாகும் என ரசிகர்கள் எதிர்பார்த்தனர். ஆனால் கரூர் சம்பவத்தை தொடர்ந்து ‘ஜனநாயகன்’ படத்தின் அப்டேட்டை படக்குழுவினர் ஒத்திவைத்ததாக கூறப்பட்டது. இந்நிலையில், ‘ஜன நாயகன்’ படத்தின் புதிய போஸ்டரும் அதனை தொடர்ந்து ஜனநாயகன் படத்தின் பர்ஸ்ட் சிங்கிள், வரும் 8-ஆம் தேதி வெளியாகும் என்ற அப்டேட்டையும் படக்குழு வெளியிட்டுள்ளது.
