பிரபல இயக்குநர் ஏ.ஆர். முருகதாஸ் இயக்கத்தில் சிவகார்த்திகேயன் நடித்த ‘மதராஸி’ திரைப்படம் உலகம் முழுவதும் வெளியாகி, ரசிகர்களிடம் கொண்டாட்டத்தை ஏற்படுத்தியுள்ளது.
இந்த படத்தில் சிவகார்த்திகேயனுடன் ருக்மிணி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய கதாபாத்திரங்களில் நடித்துள்ளனர். இப்படத்திற்கு அனிருத் இசையமைத்துள்ளார். இதுவரை இந்த படம் ரூ.80 கோடிக்கும் மேல் வசூல் செய்துள்ளதாக கூறப்படுகிறது. மேலும், பல திரைப்பிரபலங்கள் இந்த படத்தை பாராட்டி சமூக வலைத்தளங்களில் பதிவிட்டு வருகின்றனர்.
இந்நிலையில், மதராஸி படத்தை பார்த்த சூப்பர் ஸ்டார் ரஜினிகாந்த், சிவகார்த்திகேயனை நேரடியாக தொலைபேசியில் அழைத்து பாராட்டுகளை தெரிவித்துள்ளார். அப்போது, “மை காட் எக்ஸலண்ட்… என்ன பர்ஃபார்மன்ஸ்..! என்ன ஆக்ஷன்ஸ்..! சூப்பர் சூப்பர் எஸ்கே..! எனக்கு ரொம்ப பிடிச்சிருந்தது. ஆக்ஷன் ஹீரோ ஆகிட்டீங்க.. காட் பிளஸ்… காட் பிளஸ்…” என்று தனது ஸ்டைலில் உற்சாகமாக கூறியதாக, சிவகார்த்திகேயன் தனது எக்ஸ் தளத்தில் நெகிழ்ச்சியுடன் தெரிவித்துள்ளார்.
