பூஜையுடன் தொடங்கிய கவின்- பிரியங்கா மோகன் நடிக்கும் புதிய படத்தின் படப்பிடிப்பு!

தமிழ் திரையுலகில் வளர்ந்து வரும் நடிகர்களில் ஒருவர் கவின். நடன இயக்குநர் சதீஷ் இயக்கியுள்ள “கிஸ்” என்ற படத்தில் கவின் நடித்துள்ளார். இத்திரைப்படத்திற்கான வெளியீட்டு பணிகள் தற்போது தீவிரமாக நடைபெற்று வருகின்றன.

இதனைத் தொடர்ந்து, பிரின்ஸ் பிக்சர்ஸ் நிறுவனம் தயாரிக்க உள்ள புதிய திரைப்படத்தில் நடிக்க கவின் ஒப்பந்தமாகியுள்ளார். இந்த திரைப்படத்தை “தண்டட்டி” படத்தை இயக்கிய ராம் சங்கையா இயக்கவுள்ளார்.

இதற்கிடையில், கவின் நடிக்கும் அவரது ஒன்பதாவது படத்தின் பூஜை இன்று நடைபெற்றுள்ளது. “கனா காணும் காலங்கள்” என்ற தொடரை இயக்கிய கென் ராய்சன் இந்தப் படத்தை இயக்குகிறார். நாயகியாக பிரியங்கா மோகன் நடிக்கிறார். படத்தில் இணைந்துள்ள மற்ற நடிகர்கள் மற்றும் தொழில்நுட்பக் குழுவினரைப் பற்றிய தகவல்கள் விரைவில் வெளியிடப்படும் என எதிர்பார்க்கப்படுகிறது.