‘கூலி‘ திரைப்படத்தின் படப்பிடிப்பை நிறைவு செய்துள்ள ரஜினிகாந்த், தற்போது இயக்குநர் நெல்சன் இயக்கும் ‘ஜெயிலர் 2‘ படத்தில் நடித்து வருகிறார். இந்தப் படத்தில் அவருடன், முதல் பாகத்தில் நடித்த ரம்யா கிருஷ்ணன், மிர்ணா மேனன், மோகன்லால், சிவராஜ்குமார் மற்றும் பஹத் பாசில் உள்ளிட்ட பலரும் முக்கியமான கதாபாத்திரங்களில் நடித்துவருகின்றனர். இத்திரைப்படத்தின் படப்பிடிப்பு தற்போது கோவை அருகே உள்ள ஆணைக்கட்டி மற்றும் மாங்கரை பகுதிகளில் நடைபெற்று வருகிறது.
இந்நிலையில், ரஜினிகாந்த் ஆணைக்கட்டியில் இருந்து மாங்கரைக்குச் சென்று கொண்டிருந்தபோது, அந்த வழியில் அமைந்துள்ள மாதேஸ்வரர் கோயிலில் இறங்கி சாமி தரிசனம் செய்துள்ளார். இதன் தொடர்புடைய வீடியோ ஒன்று தற்போது இணையத்தில் வைரலாகி வருகிறது.
அந்த வீடியோவில், கோயில் வாசலில் ரஜினிகாந்தின் கார் வந்து நின்றதும், பூசாரி ஓடிவந்து அவரை வரவேற்கிறார். பின்னர் ரஜினிகாந்த் கோயிலுக்குள் சென்று, பூஜை மற்றும் தீபாராதனையில் கலந்து கொண்டு சாமி தரிசனம் செய்கிறார். அதன்பின், பூசாரி அவர額 விபூதியை பூசி ஆசீர்வதிக்கும் காட்சியும் அந்த வீடியோவில் இடம்பெற்றுள்ளது.
