கமல்ஹாசன் மற்றும் மணிரத்னம் இணைந்து கூட்டணியில் உருவாகியுள்ள ‘தக் லைஃப்’ திரைப்படம் வருகிற ஜூன் 5ஆம் தேதி வெளியாகும் என அறிவிக்கப்பட்டுள்ளதால், தற்போது இப்படத்தின் போஸ்ட் புரொடக்ஷன் பணிகள் மிகுந்த வேகத்தில் நடைபெற்று வருகின்றன. இந்த நிலையில், இப்படத்தின் முதல் பாடல் வெளியீட்டு விழா சென்னையில் சிறப்பாக நடைபெற்றது. இந்த விழாவில் ஏ.ஆர். ரஹ்மான், மணிரத்னம், கமல்ஹாசன், சிம்பு, த்ரிஷா, அசோக் செல்வன், அபிராமி உள்ளிட்ட பலரும் கலந்து கொண்டனர்.
இந்த விழாவில் உரையாற்றிய சிம்பு, “கமல் சார் எனக்கு ஆன் ஸ்கிரீன் குருவாக இருக்கிறார். இந்தப் படத்தில் நிஜமாகவே சூரியலைகா தோன்றும் அனுபவங்கள் எல்லாமே நடந்திருக்கின்றன. ‘செக்கச் சிவந்த வானம்’ படத்தில் மெதுவாக எல்லாவற்றையும் கற்றுக்கொண்டேன். சிறுவயதிலிருந்து குழந்தை நட்சத்திரமாக நடித்து வந்த நான் இன்று கமல் சார் போன்ற பெரும் நடிகருடன் இப் படம் நடித்து இருக்கிறேன். அவர் என்னை மிகுந்த அன்போடு கவனித்துப் பார்த்தார். படம் குறித்து இப்போது அதிகம் சொல்ல முடியாத நிலைமையில் இருக்கிறேன்.
நிச்சயமாக இது ஒரு தனித்துவமான திரைப்படமாக இருக்கும். கமல் சார் ரசிகனாகச் சொல்கிறேன், இந்தப் படத்தில் நடிப்பது எனக்குப் பெருமையாகவே இருக்கிறது. ‘விண்ணைத்தாண்டி வருவாயா’ படத்திற்கு பிறகு, த்ரிஷாவுடன் மீண்டும் இணைந்திருப்பதும் மகிழ்ச்சியாக இருக்கிறது. அசோக் செல்வனின் திறமையை நான் எப்போதும் பாராட்டுவேன்,” எனச் சிம்பு உணர்ச்சிபூர்வமாக பேசியுள்ளார்.
