‘தக் லைஃப் படத்தின் ஃபர்ஸ்ட் சிங்கிள் அப்டேட் கொடுத்த படக்குழு!

பிரபல இயக்குநர் மணிரத்னம் இயக்கத்தில் கமல் ஹாசன் நடித்துள்ள திரைப்படம் ‘தக் லைஃப்’ (Thug Life). இப்படத்தில் சிம்பு முக்கிய கதாபாத்திரத்தில் நடித்துள்ளார். இப்படம் மெட்ராஸ் டாக்கீஸ், ராஜ்கமல் பிலிம்ஸ் இன்டர்நேஷனல் மற்றும் ரெட் ஜெயன்ட் மூவிஸ் நிறுவனங்களின் தயாரிப்பில் உருவாகியுள்ளது. இப்படத்திற்கு இசை அமைத்துள்ளார் ஏ.ஆர். ரகுமான்.

திரைப்படத்தின் படப்பிடிப்பு பணிகள் முழுமையாக முடிவடைந்து, தற்போது போஸ்ட் ப்ரொடக்ஷன் பணிகள் இறுதிக்கட்டத்தை எட்டியுள்ளன. இந்தப் படம் வரும் ஜூன் 5 ஆம் தேதி திரையரங்குகளில் வெளியிடப்பட உள்ளது.

இந்நிலையில், இப்படத்தின் முதல் பாடல் விரைவில் வெளியாகும் என படக்குழு அதிகாரப்பூர்வமாக அறிவித்துள்ளது. இதற்காக ஒரு வீடியோ வெளியிடப்பட்டு, இன்னும் 65 நாட்களுக்குள் படம் வெளியாகும் என்பதும் குறிப்பிடப்பட்டுள்ளது.