ரெட்ரோ படத்தின் தெலுங்கு உரிமையை வாங்கிய பிரபல நிறுவனம்!

சூர்யாவின் படங்களுக்கு தெலுங்கில் எப்போதுமே ஒரு நல்ல மார்க்கெட் உண்டு. இந்தப் படத்தின் தெலுங்கு வெளியீட்டு உரிமை சுமார் 9 கோடிக்கு வாங்கப்பட்டுள்ளதாகத் தகவல் வெளியாகி உள்ளது. முன்னணி தயாரிப்பு நிறுவனமான சித்தாரா என்டர்டெயின்மென்ட்ஸ் அதை வாங்கி உள்ளதாம். படத்தை பெரிய அளவில் வெளியிட திட்டமிட்டுள்ளார்களாம்.இந்த நிறுவனம் சூர்யா நடிக்கும் படம் ஒன்றை அடுத்து தயாரிக்க உள்ளது. ‘லக்கி பாஸ்கர்’ படத்தை இயக்கிய வெங்கி அட்லூரி அப்படத்தை இயக்க உள்ளார். அதனால்தான், ‘ரெட்ரோ’ உரிமையை அவர்களிடமே கொடுத்துவிட்டதாகச் சொல்கிறார்கள். ‘ரெட்ரோ’ படத்தை சூர்யாவுக்குச் சொந்தமான 2 டி என்டர்டெயின்மென்ட் நிறுவனம், கார்த்திக் சுப்பராஜின் ஸ்டோன் பென்ச் நிறுவனத்துடன் இணைந்து தயாரித்துள்ளது.