கோவிலுக்கு ரோபோ யானையை அன்பளிப்பாக வழங்கிய நடிகர் சுனில் ஷெட்டி!

பாலிவுட் திரையுலகின் பிரபல நடிகர்களில் ஒருவரான சுனில் ஷெட்டி, தமிழ் திரையுலகிலும் நடித்து இருக்கிறார். நடிகர் ஷாம் நடித்த 12B திரைப்படத்தில் முக்கிய கதாபாத்திரத்தில் நடித்திருந்தார். தற்போது, அவர் ஹண்டர் 2 என்ற ஆக்ஷன் திரில்லர் வெப் தொடரில் நடித்து வருகிறார்.

இந்நிலையில், கர்நாடக மாநிலத்தில் உள்ள புகழ்பெற்ற உமாமகேஸ்வரா வீரபத்ரேஷ்வரா கோவிலுக்கு, சுனில் ஷெட்டி ‘ரோபோ’ யானையை பரிசளித்துள்ளார்.

இந்த நடவடிக்கையை பீட்டா உள்ளிட்ட விலங்கு நல அமைப்புகளோடு இணைந்து மேற்கொண்டுள்ள அவர், “கோவில்களில் யானைகளை பயன்படுத்துவதை தவிர்ப்பது முக்கியம் என்பதற்காகவே இந்த முயற்சி மேற்கொள்ளப்பட்டுள்ளது” என்று தெரிவித்துள்ளார்.