படங்களில் சிறிய கதாபாத்திரங்களில் நடித்து வந்த கவின், ‘நட்புன்னா என்னானு தெரியுமா’ திரைப்படத்தின் மூலம் தமிழ் சினிமாவில் ஹீரோவாக அறிமுகமானார். அதன் பின்னர் வெளியான ‘லிப்ட்’, ‘டாடா’ போன்ற திரைப்படங்கள் ரசிகர்களிடையே நல்ல வரவேற்பைப் பெற்றன. கடைசியாக கவின் நடித்த ‘பிளடி பெக்கர்’ திரைப்படம் கலவையான விமர்சனங்களை சந்தித்தது.
சமீபத்தில் கவின் நடிக்கும் புதிய திரைப்படத்தின் அறிவிப்பு வெளியானது. அதன் படி, தமிழ் திரையுலகின் முன்னணி நடன இயக்குநர்களில் ஒருவரான சதீஷ், இந்த திரைப்படத்தின் மூலம் இயக்குநராக அறிமுகமாகிறார். இதில், கவினுக்கு ஜோடியாக ‘அயோத்தி’ திரைப்படத்தின் மூலம் பிரபலமடைந்த நடிகை ப்ரீத்தி அஸ்ரானி நடித்துள்ளார்.
ரோமியோ பிக்சர்ஸ் ராகுலின் தயாரிப்பில் உருவாகியுள்ள இந்த திரைப்படம் தமிழ், தெலுங்கு, இந்தி உள்ளிட்ட பல மொழிகளில் வெளியிட திட்டமிடப்பட்டுள்ளது. இதற்கிடையில், படக்குழு தற்போது படத்தின் டீசரை வெளியிட்டுள்ளது.
