ஆர்ஆர்ஆர் படத்தின் வெற்றியைத் தொடர்ந்து, ராம்சரண் நடிப்பில் இயக்குனர் ஷங்கர் இயக்கத்தில் விரைவில் வெளிவர இருக்கும் படம் ‘கேம் சேஞ்சர்’. சங்கராந்தி பண்டிகையை முன்னிட்டு நாளை (ஜனவரி 10ம் தேதி) இந்த படம் வெளியாக உள்ளது. இந்த நிலையில், இந்த படத்தின் புரமோஷன் நிகழ்ச்சிகளில் ராம்சரண் கலந்து கொண்டு வருகிறார். அதன் ஒரு பகுதியாக, பிரபல நடிகர் பாலகிருஷ்ணா நடத்தும் டிவி நிகழ்ச்சியான அன்ஸ்டாப்பபிள் நிகழ்ச்சியில் அவர் பங்கேற்றார். அப்போது, பாலகிருஷ்ணா ராம்சரணிடம், “நீங்கள் எந்நேரத்தில் இப்படத்தில் நடித்திருந்தீர்கள் என்று வருத்தப்படும் எந்த படம் உண்டா?” எனக் கேட்டார். இதற்கு, சற்றும் தயங்காமல் ராம்சரண், “ஜஞ்சீர் படத்தில் நடித்ததற்கு வருத்தப்படுகிறேன்,” என்று பதிலளித்தார்.
ராம்சரண் குறிப்பிட்ட ஜஞ்சீர் திரைப்படம், 2013ல் ஹிந்தி மற்றும் தெலுங்கு என இரு மொழிகளில் உருவானது. ஹிந்தியில் ஜஞ்சீர் என்றும் தெலுங்கில் தூபான் என்றும் பெயரிடப்பட்ட இந்த படத்தில், பிரியங்கா சோப்ரா கதாநாயகியாக நடித்திருந்தார். ஹிந்தி மொழியில் ராம்சரண் நடித்த முதல் படமாக இது அமைந்தது. ஆனால், இந்த படம் மிகப்பெரிய தோல்வி படமாக மாறியது. இதற்கான முக்கிய காரணம், இந்த படம் 1973ஆம் ஆண்டில் அமிதாப் பச்சன் நடிப்பில் வெளியான ஜஞ்சீர் படத்தின் ரீமேக் ஆக இருந்தது. அந்த படத்தை மறு உருவாக்கமாகத் தயாரித்ததினால், அது மக்களிடையே பெரிதும் தாக்கத்தை ஏற்படுத்தவில்லை.
அமிதாப் பச்சன் நடித்த கதாபாத்திரத்தில் ராம்சரண் நடித்திருந்தார். ஆனால், அந்த கால கட்டத்திற்கும், ராம்சரணின் படத்திற்கும் பொருத்தமாக இல்லாததால், இந்த படம் தோல்வி அடைந்தது. இதன் காரணமாகவே, அமிதாப் பச்சன் நடித்த அந்த கதாபாத்திரத்தில் நடித்தது பற்றி தான் வருத்தப்பட்டதாக ராம்சரண் தெரிவித்தார்.
