பிரபல ‘அண்ணா’ சீரியலில் புது வரவாக இணைந்த நடிகர் விகாஸ்!

ஜீ தமிழில் ஒளிபரப்பாகி வரும் ‘அண்ணா’ தொடர் மக்கள் மத்தியில் நல்ல வரவேற்பை பெற்று வருகிறது. மிர்ச்சி செந்தில், நித்யா ராம் முதன்மை கதாபாத்திரத்தில் நடித்து வரும் இந்த தொடரில் பல நடிகர்கள் மாறிவிட்டனர். இருப்பினும் சீரியலின் டிஆர்பி பெரிய அளவில் பாதிக்கவில்லை. அதேசமயம் சில நடிகர்கள் புதிதாக என்ட்ரி கொடுத்து எதிர்பார்ப்பை அதிகரித்து வருகின்றனர். அண்மையில் பாக்கியலெட்சுமி சீரியல் பிரபலமான ரோஸாரி, அண்ணா சீரியலில் நடிக்க கமிட்டானார். இந்நிலையில், தற்போது பாக்கியலெட்சுமி சீரியலில் எழில் கதாபாத்திரத்தில் நடித்து வரும் விகாஸ் சம்பத், அண்ணா தொடரில் முக்கிய கேரக்டரில் என்ட்ரி கொடுத்திருக்கிறார். அவருடைய கதாபாத்திரம் தற்போது ஒளிபரப்பாக ஆரம்பித்துள்ளது.