ஆதிக் ரவிச்சந்திரன் இயக்கத்தில் நடிகர் அஜித் குமார் தனது 63வது படத்தில் நடித்து வருகிறார். இந்த படத்திற்கு குட் பேட் அக்லி என்று பெயரிடப்பட்டுள்ளது. இப்படத்தில் அஜித்துடன் திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலரும் முக்கிய கதாபாத்திரங்களில் நடித்துள்ளனர். சமீபத்தில் இப்படத்தின் பர்ஸ்ட் லுக் மற்றும் செகன்ட் லுக் போஸ்டர்கள் வெளியானது மற்றும் அது சமூக வலைதளங்களில் வைரலானது.
மைத்ரி மூவி மேக்கர்ஸ் நிறுவனம் தயாரிக்கும் இப்படத்திற்கு ஆரம்பத்தில் தேவிஸ்ரீ பிரசாத் இசையமைப்பராக இருந்தார். ஆனால் அவர் விலகியதால், தற்போது பிரபல இசையமைப்பாளர் ஜி.வி. பிரகாஷ் இசையமைப்பராக இருப்பார் என்று அறிவிக்கப்பட்டுள்ளது. மேலும், இப்படத்திற்கான டப்பிங் பணிகளை சமீபத்தில் நடிகர் அஜித் குமார் முடித்துள்ளார். இதனை உறுதிப்படுத்தும் புகைப்படங்களை இயக்குநர் ஆதிக் ரவிச்சந்திரன் வெளியிட்டிருந்தார்.
இந்தப் படம் ஆரம்பத்தில் பொங்கல் பண்டிகை அன்று வெளியாகும் என அறிவிக்கப்பட்டது. ஆனால், அஜித்தின் மற்றொரு படம் விடாமுயற்சி இதே பண்டிகையை முன்னிட்டு வெளியாகவுள்ளதாக இருந்ததால், குட் பேட் அக்லி படத்தின் ரிலீஸ் தேதி தள்ளிவைக்கப்பட்டது. இதற்கிடையில், விடாமுயற்சி படமும் சில காரணங்களால் பொங்கல் அன்று வெளியாகாது என அறிவிப்பு வெளியானது. இந்த சூழலில், குட் பேட் அக்லி படத்தின் புதிய ரிலீஸ் தேதியை படக்குழு அறிவித்துள்ளது. இப்படம் வரும் ஏப்ரல் 10ஆம் தேதி திரைக்கு வரவுள்ளது.
