நடிகர் கார்த்தி, இயக்குனர் பிரேம் குமார் இயக்கத்தில் நடித்த மெய்யழகன் படத்திற்கு பிறகு, தற்போது பி.எஸ். மித்ரன் இயக்கத்தில் உருவாகி வரும் சர்தார் 2 திரைப்படத்தில் நடித்து வருகிறார். இதற்கிடையில், சூது கவ்வும் மற்றும் காதலும் கடந்து போகும் போன்ற படங்களை இயக்கிய நலன் குமாரசாமியின் இயக்கத்தில் தனது புதிய படத்தில் நடித்து முடித்துள்ளார். கார்த்தியின் 26வது படமான இந்த படத்திற்கு வா வாத்தியார் என்று பெயர் வைக்கப்பட்டுள்ளது.
இந்த படத்தில் கார்த்தி, எம்ஜிஆர் ரசிகனாக தோன்றி நடிக்கிறார். ஸ்டூடியோ கிரேட் நிறுவனம் இந்த படத்தை தயாரிக்க, இசையமைப்பாளராக சந்தோஷ் நாராயணன் பணியாற்றுகிறார். சத்யராஜ் இப்படத்தில் வில்லனாக நடிக்க, நடிகர் ராஜ்கிரண் முக்கியமான கதாபாத்திரத்தில் நடிக்கிறார்.
இந்த திரைப்படத்தை அடுத்தாண்டு பொங்கல் திருவிழாவை முன்னிட்டு, ஜனவரி மாதத்தில் வெளியிட திட்டமிட்டுள்ளதாக படத்தின் தயாரிப்பாளர் ஞானவேல் ராஜா அறிவித்துள்ளார். இந்நிலையில், கார்த்தி நடித்த வா வாத்தியார் படத்தின் டீசர் இன்று வெளியாகி வைரலாகி வருகிறது.
