பாலிவுட்டின் முன்னணி நடிகர் அஜய் தேவ்கனின் சகோதரியின் மகன் ஆமென் தேவ்கன் மற்றும் நடிகை ரவீணா டாண்டனின் மகள் ராஷா தடானி நடித்துள்ள படம் ‘ஆசாத்’. இப்படத்தின் முதல் பார்வை வெளியிடப்பட்டுள்ளது.
சுதந்திரத்துக்கு முன் நடந்த நிகழ்ச்சியை மையமாகக் கொண்டு இப்படம் உருவாகிறது. குதிரையேற்ற வீரராக இருக்கும் அஜய் தேவ்கன், ஆங்கிலேய ராணுவத்துடனான ஒரு தாக்குதலின் போது, அவரது அன்புக்குரிய குதிரை காணாமல் போய்விடுகிறது. அந்தக் குதிரையை மீட்கும் பணியை ஆமென் தேவ்கன் ஏற்கின்றார். அதன் பின்னர் என்ன நடக்கிறது என்பதே படத்தின் கதை.
இந்த டீசர் நேற்று வெளியானது, 7 மில்லியன் பார்வைகளைத் தாண்டியுள்ளது. “ஆர்யன், ராக் ஆன், கை போ சே, பிதூர், கேதார்நாத், சண்டிகர் கரே ஆஷிக்கி” போன்ற படங்களை இயக்கிய அபிஷேக் கபூர் இப்படத்தை இயக்குகிறார். பாலிவுட்டின் வாரிசுகளாக இணைந்துள்ள ஆமென் மற்றும் ராஷாவுக்கு பாலிவுட் பிரபலங்கள் பலரும் வாழ்த்துகளைத் தெரிவித்துள்ளனர். டீசரில் படத்தின் பிரம்மாண்ட உருவாக்கம் மற்றும் சிறப்பான தயாரிப்பை உணர முடிகிறது.
