நடிகர் ரஜினிகாந்த்-ஐ வைத்து லோகேஷ் கனகராஜ் கூலி படத்தை இயக்கி வருகிறார் மேலும், ரஜினி படம் என்றாலே அது முழுக்க கமர்சியல் திரைப் பொழுதுபோக்காகவே இருக்கும். அதோடு, ரஜினி பல இடங்களில் பஞ்ச் டயலாக் பேசுவார். ஆனால், சமீப காலமாக அது பெரிதும் மிஸ் ஆனது என்றுதான் சொல்ல வேண்டும்.
குறிப்பாக, கடந்த மாதம் திரைக்கு வந்த வேட்டையன் படம் சற்றே வித்தியாசமாக உருவாகியது. இந்நிலையில், லோகேஷ் கனகராஜ் தனது பாணியில் முழுமையாக உருவாகி வரும் கூலி படத்தில் ரஜினியின் ரசிகர்களின் விருப்பங்களை கருத்தில் கொண்டு, கமர்சியல் அம்சங்களையும் நிறையவே சேர்த்து வருகிறார் என்று கூறப்படுகிறது.
மேலும், சில பகுதிகளில் ரஜினி பஞ்ச் டயலாக் பேசும் தருணங்களையும் கையாண்டுள்ளார். இந்த விஷயங்கள் ரஜினி ரசிகர்கள் எதிர்பார்க்கும் அம்சங்களாக இருப்பதால், திரைப்படம் அவர்களின் எதிர்பார்ப்பை பூர்த்தி செய்து, அதிக வசூலை அடையும் என அவர் நம்புகிறார். எனவே, தனது பாணியிலும், ரஜினியின் பாணியையும் கலந்து, கூலி படத்தை உருவாக்கி வருகிறார் லோகேஷ் கனகராஜ்.
