நேற்றைய தினம் உலகின் பல்வேறு பகுதிகளில் தீபாவளி பண்டிகை கொண்டாடப்படுகிறது. மக்கள் புத்தாடை அணிந்து இனிப்புகள் உண்டு, பட்டாசு வெடித்து பண்டிகையை மிகுந்த மகிழ்ச்சியுடன் கொண்டாடினர். தீபாவளி பண்டிகையை முன்னிட்டு லவ் இன்சூரன்ஸ் கம்பெனி (எல்.ஐ.கே.) படக்குழு தனது ரசிகர்களுக்கு வாழ்த்து தெரிவித்துள்ளது.
இதற்காக படக்குழுவினர் சிறப்பு போஸ்டரை வெளியிட்டுள்ளனர். இந்த படத்தை விக்னேஷ் சிவன் இயக்கியுள்ளார். இதில் பிரதீப் ரங்கநாதன், கீர்த்தி ஷெட்டி முக்கிய கதாபாத்திரங்களில் நடித்துள்ளனர். இந்தப் படத்தை நயன்தாரா மற்றும் விக்னேஷ் சிவனின் ரௌடி பிக்சர்ஸ், 7 ஸ்கிரீன் ஸ்டூடியோ நிறுவனம் இணைந்து தயாரித்துள்ளன. இதில் எஸ்.ஜே. சூர்யா முக்கிய வேடத்தில் நடித்துள்ளார், அனிருத் இசையமைத்துள்ளார்.
படத்தின் பெரும்பாலான காட்சிகள் சிங்கப்பூர் மற்றும் மலேசியாவில் படமாக்கப்பட்டுள்ளன. இதன் பின்னணி வேலைகள் தற்போது நடைபெற்று வருகின்றன. இது எதிர்காலத்தை மையமாகக் கொண்ட கதை; கதாநாயகன் தனது காதலை அடைவதற்காக டைம் டிராவல் செய்யும் கதையாக அமையும் என தகவல் வெளியாகியுள்ளது.
