சுகுமார் இயக்கத்தில், தேவிஸ்ரீ பிரசாத் இசையமைப்பில், அல்லு அர்ஜுன், பஹத் பாசில், ராஷ்மிகா மந்தனா மற்றும் பலர் நடித்துக் கொண்டிருக்கும் படம் ‘புஷ்பா 2’. இந்த படத்தை முதலில் ஆகஸ்ட் 15ம் தேதி வெளியிடத் திட்டமிட்டிருந்தார்கள். ஆனால், படத்தின் படப்பிடிப்பு முடியாததால், படத்தை டிசம்பர் மாதம் 6ம் தேதி வெளியிடுவோம் என தள்ளி வைத்தனர்.
இதற்கிடையில், கடந்த சில வாரங்களாக இந்த படத்தைப் பற்றிய பல்வேறு தகவல்கள் வெளியானது. இயக்குனர் சுகுமார் மற்றும் படத்தின் நாயகன் அல்லு அர்ஜுனுக்கு இடையில் கருத்து வேறுபாடு ஏற்பட்டதாகவும், இதனால் படத்தின் படப்பிடிப்பு தற்காலிகமாக நிறுத்தப்பட்டது என்றும் செய்திகள் பரவி வந்தன. இதனால், படத்தை அடுத்த ஆண்டு வெளியிடவும் வாய்ப்பிருக்கிறது என தகவல்கள் பரவியது இதனால் ரசிகர்கள் சோகத்தில் இருந்தனர்.
இந்நிலையில், இன்று புதிய போஸ்டர் ஒன்று புஷ்பா 2 படக்குழு வாலி வெளியிடப்பட்டது. அதில், படம் வெளியாக இன்னும் 75 நாட்கள் மட்டுமே உள்ளதாக அறிவிப்பு செய்தது. இதன் மூலம் படக்குழு, படத்தின் வெளியீடு உறுதியாக இருக்கிறது என்பதை மீண்டும் அறிவித்துள்ளது.
