வெங்கட் பிரபு இயக்கத்தில் உருவாகியுள்ள அடுத்த திரைப்படம் “தி கோட்”. விஜய் நடித்துள்ள இந்த படம் வரும் செப்டம்பர் 5ஆம் தேதி வெளியாகிறது. படத்தின் படப்பிடிப்பு பணிகள் முழுமையாக முடிவடைந்து, படம் ரிலீசுக்குத் தயாராகி உள்ளது.
இந்த நிலையில், இயக்குனர் வெங்கட் பிரபு எக்ஸ் தளத்தில் ஒரு பதிவு வெளியிட்டுள்ளார். அதில், “நாளை ‘மங்காத்தா’ திரைப்படத்தின் வெளியான நாள் மற்றும் யுவன் சங்கர்ராஜாவின் பிறந்தநாள். அதே நாளில் கோட் படத்தின் நான்காவது பாடல் வெளியாகிறது. இதைவிடப் பெரிய நிகழ்வு எனக்கு முடியாது, என அவர் குறிப்பிட்டுள்ளார்.
மேலும், படத்தின் வெளியீட்டு பணிகள் தீவிரமாக நடைபெற்று வரும் நிலையில், வெங்கட் பிரபு சமூக வலைதளத்தில் ஒரு புகைப்படத்தை பகிர்ந்துள்ளார். அந்த புகைப்படத்தில், அவரின் தந்தை மற்றும் பிரபல இயக்குநரான கங்கை அமரன், நடிகர் அஜித் ஆகியோர் உள்ளனர். சமீபத்தில் இந்த இருவரும் சந்தித்து, அந்தப் புகைப்படத்தை எடுத்துள்ளனர். அதன் பதிவில், மூன்று இதயக் குறியீடுகளுடன் “இது நடந்துவிட்டது” என ஆங்கிலத்தில் பதிவிட்டுள்ளார். படம் ரிலீஸுக்கு இன்னும் 6 நாட்களே உள்ள நிலையில், வெங்கட் பிரபு அஜித்துடன் அவரது தந்தை இருக்கும் புகைப்படத்தை பகிர்ந்திருப்பது பலரையும் ஆச்சரியப்பட வைத்துள்ளது.
