‘ஜெய் பீம்’ படத்தின் இயக்குனர் ஞானவேல் இயக்கத்தில், ரஜினிகாந்த் நடிப்பில் உருவாகியுள்ள ‘வேட்டையன்’ என்ற திரைப்படம். இப்படத்தில் ரஜினிகாந்துடன் அமிதாப் பச்சன், பகத் பாசில், ராணா டகுபதி, ரித்திகா சிங், துஷாரா விஜயன் உள்ளிட்ட பலரும் நடித்துள்ளனர்.
லைகா நிறுவனம் தயாரித்துள்ள இந்தப் படத்தின் படப்பிடிப்பு நிறைவடைந்த நிலையில், பின்னணி வேலைகள் நடைபெற்று வருகின்றன. அனிருத் இப்படத்திற்கு இசையமைத்துள்ளார். இதுவரை, இப்படத்தில் நடித்த சிலர் டப்பிங் வேலைகளை முடித்ததாகவும், படக்குழு தகவல் தெரிவித்துள்ளது. மேலும், இந்த படம் அக்டோபர் 10ஆம் தேதி வெளியாகும் என படக்குழு சமீபத்தில் அறிவித்துள்ளது.
இந்த வரிசையில், ‘வேட்டையன்’ படத்தின் முதல் பாடல் ‘மனசிலாயோ’ அப்டேட் வெளியிடப்பட்டுள்ளது. இதுகுறித்து இசையமைப்பாளர் அனிருத் மற்றும் படத் தயாரிப்பு நிறுவனம் X தளத்தில் பதிவிட்டுள்ளனர். அவர்களின் பதிவுகளில், ‘வேட்டையன்’ படத்தின் முதல் பாடல் ‘மனசிலாயோ’ விரைவில் வெளியாகும் என்று குறிப்பிட்டுள்ளனர்.
