எனது பிறந்தநாளுக்கு சிறந்த பிளாக்பஸ்டர் பரிசு இது… ராயன் படத்தின் வெற்றிக்கு அனைவருக்கும் நன்றி தெரிவித்த தனுஷ்!

தனுஷ் இயக்கத்தில் நடிப்பில், ஏஆர் ரகுமான் இசையமைப்பில், கடந்த வாரம் வெளியான படம் ‘ராயன்’. இப்படம் நல்ல விமர்சனங்கள் பெற்றுள்ளது. வன்முறை காட்சிகள் அதிகம் உள்ளதால் படத்திற்கு ‘ஏ’ சான்றிதழ் வழங்கப்பட்டுள்ளது.

இந்நிலையில், கடந்த மூன்று நாட்களில் இப்படம் தமிழகத்தில் சுமார் 70 கோடி வசூல் செய்ததாக அதிகாரப்பூர்வமற்ற பாக்ஸ் ஆபிஸ் வட்டாரங்கள் தெரிவிக்கின்றன.

நடிகர் தனுஷ், “ரசிகர்கள், திரையுலகப் பிரபலங்கள், நண்பர்கள், பத்திரிகை, மீடியா, எனக்கு தூணாக இருக்கும் ரசிகர்கள், சினிமா ரசிகர்கள் என என் மீது உங்கள் ஆசீர்வாதத்தை வழங்கியதற்கு எனது மதிப்பிற்குரிய நன்றி. எனது பிறந்தநாளுக்கு சிறந்த பிளாக்பஸ்டர் பரிசு இது,” என்று குறிப்பிட்டு அறிக்கை ஒன்றை வெளியிட்டுள்ளார்.