நடிகர் தனுஷ் தனது 50வது படத்தினை அவரே இயக்கி நடித்துள்ளார். சன் பிக்சர்ஸ் தயாரித்துள்ள இந்த படம் இன்று அதாவது ஜூலை 26ஆம் தேதி உலகம் முழுவதும் ரிலீஸ் ஆகியுள்ளது. படத்திற்கு ஏ.ஆர். ரகுமான் இசை அமைத்துள்ளார். படத்தின் அறிவிப்பு வெளியானதில் இருந்து படத்தின் மீது ரசிகர்களுக்கு எதிர்பார்ப்பு எகிறியது. படத்தின் ட்ரைலர் ரசிகர்கள் மத்தியில் இருந்த எதிர்பார்ப்பை அடுத்தகட்டத்திற்கு எடுத்துச் செல்லும் விதமாக இருந்தது.
அதேபோல் நடிகர் கார்த்தி, “தனுஷின் 50வது படமான ராயன் மாபெரும் வெற்றி அடைய வாழ்த்துகள். சினிமா மீது அவருக்கு இருக்கும் ஆர்வத்திற்கும் அதற்காக தனுஷ் செலுத்தும் உழைப்பிற்கும் படம் பெரும் வெற்றி பெற வாழ்த்துகள். படம் வெற்றி பெற ராயன் படக்குழுவினருக்கு வாழ்த்துகள்” என தனது எக்ஸ் பக்கத்தில் பதிவிட்டு வாழ்த்து கூறியுள்ளார்.
மேலும் இயக்குனர் பாரதிராஜாவும் தனுஷின் 50வது படமான ராயன் படம் வெற்றிப்பெற வாழ்த்துக்கள் தெரிவித்துள்ளார்.
