இந்திய பிரபலங்களுக்கு அழைப்பு விடுத்த ஆஸ்கார் குழுமம்! யார் யாருக்கு தெரியுமா?

தொழில்நுட்ப ரீதியாக அர்ப்பணிப்பு மற்றும் தகுதி உடைய பிரபலங்கள் ஆஸ்கார் விருது குழுவில் உறுப்பினர்களாக சேர அழைப்பு விடுக்கப்படும். அந்த வகையில், இந்த வருடம் 57 நாடுகளில் உள்ள 487 பிரபலங்களுக்கு புதிய உறுப்பினர்களுக்கான அழைப்பு விடுக்கப்பட்டுள்ளது.

அந்த பட்டியலில் இயக்குநர் ராஜமௌலி, அவரது மனைவியும் ஆடை வடிவமைப்பாளருமான ரமா ராஜமௌலி, ஒளிப்பதிவாளர் ரவி வர்மன், நடிகை ஷபானா ஆஸ்மி, இயக்குநர் ரீமா தாஸ் மற்றும் ‘ஆர்ஆர்ஆர்’ படத்தின் ‘நாட்டு நாட்டு’ பாடல் நடன இயக்குநர் பிரேம் ரக்ஷித் ஆகியோர் இடம்பெற்றுள்ளனர்.

தமிழ் திரைக்கலைஞர்களான இசையமைப்பாளர் ஏ.ஆர். ரகுமான், இயக்குநர் மணி ரத்னம், நடிகர் சூர்யா ஆகியோர் ஏற்கனவே ஆஸ்கார் குழுவில் உறுப்பினர்களாக உள்ளனர் என்பது குறிப்பிடத்தக்கது.