விக்ரம் திரைப்படத்தின் மூலம் மீண்டும் கோலிவுட்டில் கால் பதித்த கமல் ஹாசன், அந்தப் படத்தின் மிகப்பெரிய வெற்றியைத் தொடர்ந்து சுறுசுறுப்பாக பல புதிய திரைப்படங்களில் நடிப்பதில் மற்றும் தயாரிப்பதிலும் ஈடுபட்டுள்ளார். தற்போதைய நிலையில், அவர் மணிரத்னத்தின் தக் லைஃப் படத்தில் முக்கிய வேடத்தில் நடித்து வருகிறார். இன்னொரு படம், ஷங்கர் இயக்கத்தில் உருவாகியுள்ள இந்தியன் 2, ஜூலை மாதம் வெளிவர உள்ள நிலையில், தக் லைஃப் படத்தின் படப்பிடிப்பு அப்டேட் வெளியாகியுள்ளது.
கமல் ஹாசனும் மணிரத்னமும் இணைந்து ஏற்கனவே நாயகன் போன்ற க்ளட் கிளாசிக் படத்தை வழங்கி அனைவரையும் கவர்ந்துள்ளனர். அந்தப் படம் இன்றுவரை சிறந்த படமாக கருதப்படுகிறது. தற்போது அவர்கள் இருவரும் தக் லைஃப் படத்தில் மீண்டும் இணைவதால் மிகுந்த எதிர்பார்ப்பு ஏற்பட்டுள்ளது. இந்தப் படத்தை ராஜ்கமல், மெட்ராஸ் டாக்கீஸ் மற்றும் ரெட் ஜெயண்ட் நிறுவனங்கள் இணைந்து தயாரிக்கின்றன. இசையமைப்பாளராக ஏ.ஆர்.ரஹ்மான் பணியாற்றுகிறார்.
திரிஷா, ஜோஜு ஜார்ஜ், ஐஸ்வர்யா லட்சுமி, விருமாண்டி அபிராமி உள்ளிட்ட பலர் இப்படத்தில் முக்கிய கதாபாத்திரங்களில் நடிக்க ஒப்பந்தமாகியுள்ளனர். ஏற்கனவே மன்மதன் அன்பு மற்றும் தூங்கா வனம் படங்களில் கமல் ஹாசனுடன் இணைந்து நடித்த திரிஷா, இப்போது மூன்றாவது முறையாக அவருடன் பணியாற்றுகிறார். மக்களவைத் தேர்தல் காரணமாக நிறுத்தப்பட்டிருந்த படப்பிடிப்பு தற்பொழுது மீண்டும் வேகமாக நடந்துவருகிறது.
தக் லைஃப் படத்தின் சமீபத்திய அப்டேட் படி, சில நாட்களுக்கு முன்பு நடந்த படப்பிடிப்பில் ஒரு பாரில் கமல் ஹாசனும், சிம்புவும் இணைந்து நடனம் ஆடிய காட்சி படமாக்கப்பட்டதாகவும், படக்குழுவினர் அதனை மிகுந்த மகிழ்ச்சியுடன் பார்த்ததாகவும் தகவல்கள் தெரிவிக்கின்றன. இதை அறிந்த ரசிகர்கள் “கமலும், சிம்புவும் சேர்ந்து நடனமா அப்போ தியேட்டரில் பார்க்க வெறித்தனமாக இருக்குமே” என்று கமெண்ட்ஸ் செய்து வருகின்றனர்.
