நடிகர் விஜய் மற்றும் வெங்கட் பிரபு கூட்டணியில் உருவாக்கியுள்ள தி கிரேட்டஸ்ட் ஆஃப் ஆல் டைம் படத்தின் படப்பிடிப்பு கிட்டத்தட்ட முடிவுக்கு வந்துள்ளது. விஜய் இந்த படத்தில் அப்பா மற்றும் மகன் என இரண்டு வேறுபட்ட கதாபாத்திரங்களில் நடித்துள்ளார், இதில் மகன் விஜய்க்காக டீ-ஏஜிங் தொழில்நுட்பம் பயன்படுத்தப்படவுள்ளதாக முன்பே அறிவிக்கப்பட்டது. இதற்காக விஜய், வெங்கட் பிரபு மற்றும் படத்தின் சிஜி கலைஞர்கள் சில நாட்களுக்கு முன்பு லாஸ் ஏஞ்சல்சிற்கு பயணித்ததாக தகவல்கள் வெளியாகியுள்ளன.
அங்கு இரண்டு தினங்களுக்கு மேலாக இந்தப் படத்தின் ஷூட்டிங் நடைபெற்றதாகவும், டீ-ஏஜிங் பணிகள் அங்கே மேற்கொள்ளப்படவுள்ளதாகவும் கூறப்படுகிறது. இதற்கிடையில், படத்தின் தயாரிப்பாளர் அர்ச்சனா கல்பாத்தி தனது இன்ஸ்டாகிராம் பக்கத்தில் படம் குறித்து ஒரு புதிய அப்டேட்டை வெளியிட்டுள்ளார்.
நடிகர் விஜய் மற்றும் வெங்கட் பிரபு இணைந்து உருவாக்கி வரும் படமான “தி கிரேட்டஸ்ட் ஆஃப் ஆல் டைம்” படத்தில் விஜய்யுடன் பிரஷாந்த், பிரபுதேவா, அஜ்மல், சினேகா, லைலா, மீனாட்சி சவுத்ரி போன்ற முன்னணி நடிகர்கள் நடித்துள்ளனர். அதேபோல் கேமியோ கதாபாத்திரங்களில் விஜயகாந்த், திரிஷா, சிவகார்த்திகேயன் ஆகியோரும் இடம்பெற்றுள்ளனர். விஜயகாந்த் இப்படத்தில் கிளைமாக்ஸ் காட்சிக்கு முந்தைய பகுதியில் தோன்றுவார் எனவும் அவரது கேரக்டர் உண்மையான விஜயகாந்தின் தனித்துவத்தை பிரதிபலிக்கும் என தகவல்கள் தெரிவிக்கின்றன.
விஜய் முதற்கட்டமாகவே படத்தின் டப்பிங் பணிகளை தொடங்கி, சுமார் 50 சதவீத பணிகளை முடித்துவிட்டார். அவரது பங்கு முழுமையாக முடிந்ததும் மீதமுள்ள டப்பிங் பணிகளை நிறைவு செய்வார் என கூறப்படுகிறது. இந்நிலையில், படத்தின் கிரியேட்டிவ் தயாரிப்பாளர் அர்ச்சனா கல்பாத்தி, தனது இன்ஸ்டாகிராம் பக்கத்தில் படத்தின் அப்டேட் ஒன்றை பகிர்ந்து, போஸ்ட் ப்ரொடக்ஷன் பணிகள் தொடங்கியுள்ளதாக தெரிவித்தார்.
