தமிழ் திரைப்படத் துறையில் பல முக்கியமான படங்களை தயாரித்தவர் சி.வி.குமார். அவரது தயாரிப்பில், ஜானகிராமன் இயக்கி, நிவாஸ் கே. பிரசன்னா இசையமைத்துள்ள திரைப்படம் ‘டைட்டானிக் காதலும் கவுந்து போகும்’. இந்த திரைப்படத்தில் கலையரசன், ஆனந்தி, ஆஷ்னா ஜவேரி, காளி வெங்கட் உள்ளிட்ட பலரும் நடித்துள்ளனர்.
இந்த படத்தின் முதல் பார்வை மற்றும் டீசர் 2018 ஆம் ஆண்டில் வெளியிடப்பட்டது. அதன் பின்னர், படத்தின் ட்ரைலர் 2022ம் ஆண்டு வெளியானது. படம் உருவாகி சில காரணங்களால் இதுவரை வெளியிடப்படாமல் இருக்கிறது.
இதனைத் தொடர்ந்து, இந்தப் படத்தின் நாயகனாக நடித்த கலையரசன், நேற்று எக்ஸ் தளத்தில், படத்தின் தயாரிப்பாளர் சி.வி.குமாரிடம் ஒரு கோரிக்கையை வைத்துள்ளார். அதில், “குமார் சார், ‘டைட்டானிக்’ படத்தை இன்னும் ஏன் வெளியிடவில்லை? இந்தப் படத்தில் இயக்குநர் ஜானகிராமன், நடிகர்கள், தொழில்நுட்பக் கலைஞர்கள் ஆகியோர் மிகுந்த உழைப்புடன் பணியாற்றியுள்ளனர். இது ஒரு சிறந்த படம். அனைவருக்கும் வெற்றி தரும் என்ற நம்பிக்கை உண்டு. தயவுசெய்து விரைவில் வெளியிடுங்கள், சார். ப்ளீஸ்,” என கேட்டுக் கொண்டுள்ளார். இந்த பதிவை படத்தில் நாயகியாக நடித்த ஆஷ்னா ஜவேரியும் பகிர்ந்து, “காத்திருக்க முடியவில்லை” என குறிப்பிட்டுள்ளார்.
