இயக்குநர் ஆர்.ஜே. பாலாஜி இயக்கத்தில், நடிகர் சூர்யா நடிப்பில் உருவாகியுள்ள திரைப்படம் கருப்பு. டிரீம் வாரியர் பிக்சர்ஸ் தயாரிப்பில் உருவாகியுள்ள இந்தப் படத்தில் கதாநாயகியாக திரிஷா நடித்துள்ளார். சாய் அபயங்கர் இசையமைத்துள்ள இப்படத்தில் சுவாசிகா, இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மயா ரவி, நட்டி நட்ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர். கருப்பு திரைப்படம் வரும் 14ஆம் தேதி திரையரங்குகளில் வெளியாக உள்ளது.
சமீபத்தில் அளித்த ஒரு பேட்டியில் ஆர்.ஜே. பாலாஜி கூறுகையில், சூர்யா நடித்த இந்த படம் ப்ளாக்பஸ்டர் ஆக வேண்டும் என்பது அவருக்கு எவ்வளவு முக்கியமோ, அதே அளவிற்கு தமக்கும் முக்கியம் என தெரிவித்துள்ளார். ஆனால், இறுதியாக படம் எப்படிப் பெறுபேறு அடையும் என்பது குறித்து தமக்கு தெளிவு இல்லை என்றும் அவர் கூறினார். முதன்மையாக, தியேட்டரில் படம் பார்க்கும் ஒவ்வொருவரும் ரசித்து ‘இந்த படம் மிகவும் சிறந்தது’ என்று பாராட்ட வேண்டும் என்பதே தமது நோக்கமாக இருந்தது என்றும் விளக்கமளித்தார்.
இந்த சூழலில், கருப்பு திரைப்படத்தின் டிரெய்லர் குறித்த புதிய தகவலை இயக்குநர் ஆர்.ஜே. பாலாஜி இன்று வெளியிட்டுள்ளார். அதன்படி, இந்தப் படத்தின் டிரெய்லர் பணிகள் முழுமையாக முடிவடைந்துள்ளதுடன், அது விரைவில் வெளியிடப்படும் என்றும் அவர் தெரிவித்துள்ளார்.
—
