தனுஷ் நடித்த தேரே இஷ்க் மே திரைப்படம் சமீபத்தில் வெளியானது. இந்த திரைப்படம் தமிழில் பெரிய வரவேற்பைப் பெறாதிருந்தாலும், இந்தி மொழியில் 160 கோடி ரூபாய்க்கும் அதிகமான வசூலைப் பெற்று வெற்றிப் படமாக அமைந்தது. தற்போது, தனுஷ், இயக்குநர் விக்னேஷ் ராஜா இயக்கத்தில் உருவாகியுள்ள கர திரைப்படத்தில் தனது நடிப்பை முடித்துள்ளார்.
இந்த திரைப்படத்தில் கதாநாயகியாக மமிதா பைஜு நடித்துள்ளார். மேலும், முக்கியமான கதாபாத்திரங்களில் சுராஜ் வெஞ்சரமூடு மற்றும் ஜெயராம் ஆகியோர் நடித்துள்ளனர். ‘கர’ திரைப்படத்திற்கு ஜி.வி. பிரகாஷ் குமார் இசையமைத்துள்ளார். ஒளிப்பதிவை தேனி ஈஸ்வர் மேற்கொண்டுள்ளார். இந்த திரைப்படத்தை வேல்ஸ் ஃபிலிம் இன்டர்நேஷனல் நிறுவனத்தின் சார்பில் ஐசரி கணேஷ் தயாரித்துள்ளார். இந்த திரைப்படம் வரும் ஏப்ரல் 30ஆம் தேதி வெளியாகவுள்ளது.
இந்த நிலையில், ‘கர’ திரைப்படத்தில் நடித்துள்ள நடிகர்களின் கதாபாத்திரங்களை அறிமுகப்படுத்தும் போஸ்டர்களை படக்குழு வெளியிட்டு வருகிறது. அந்த வகையில், இன்று ஜெயராம் ‘முத்து செல்வன்’ என்ற கதாபாத்திரத்தில் நடித்துள்ளதாக புதிய போஸ்டர் வெளியிடப்பட்டுள்ளது. இதற்கு முன்பு, மமிதா பைஜு ‘செல்லி’ என்ற கதாபாத்திரத்திலும், சுராஜ் வெஞ்சரமூடு ‘பரதன்’ என்ற கதாபாத்திரத்திலும் நடித்துள்ளதாக போஸ்டர்கள் வெளியிடப்பட்டிருந்தது குறிப்பிடத்தக்கது.
