தமிழ் திரைப்பட உலகில் வளர்ந்து வரும் இளம் நடிகர்களில் ஒருவர் கவின். பல்வேறு கதாபாத்திரங்களை தேர்ந்தெடுத்து நடித்து வரும் அவர் தற்போது ‘ஹாய்’ என்ற புதிய திரைப்படத்தில் நடித்துக் கொண்டு இருக்கிறார். இத்திரைப்படத்தின் பணிகள் நடைபெற்று வரும் நிலையில், அதனைத் தொடர்ந்து புதிய ஒரு முக்கியமான திட்டத்திலும் அவர் நடிக்க உள்ளதாக தகவல்கள் வெளியாகியுள்ளன.
அதன்படி ‘தண்டட்டி’ திரைப்படத்தை இயக்கி திரையுலகில் கவனம் பெற்ற இயக்குநர் ராம் சங்கயா இயக்கத்தில் கவின் கதாநாயகனாக நடிக்க இருக்கிறார். இந்த புதிய படத்தை ‘லப்பர் பந்து’ மற்றும் ‘சர்தார்’ போன்ற திரைப்படங்களை தயாரித்த பிரின்ஸ் பிக்சர்ஸ் நிறுவனம் தயாரிக்க உள்ளது. நல்ல வரவேற்பு பெற்ற தயாரிப்பு நிறுவனம் இந்த திட்டத்தை மேற்கொள்வதால் இந்த படத்திற்கான எதிர்பார்ப்பு ரசிகர்களிடையே அதிகரித்துள்ளது.
இந்த திரைப்படத்தின் முன் தயாரிப்பு பணிகள் பெரும்பாலும் நிறைவடைந்திருந்தாலும், படப்பிடிப்பு தொடங்குவதில் சிறிய தாமதம் ஏற்பட்டதாக கூறப்பட்டது. குறிப்பாக கதாநாயகி தேர்வு தொடர்பாக சில காலம் இழுபறி நிலை நீடித்ததால் படப்பிடிப்பு ஆரம்பிக்க முடியாமல் இருந்ததாக தகவல்கள் வெளியாகின. இந்த நிலையில் தற்போது இந்த திரைப்படத்தில் கதாநாயகியாக ‘லப்பர் பந்து’ திரைப்படத்தின் மூலம் கவனம் பெற்ற நடிகை சஞ்சனா கிருஷ்ணமூர்த்தி நடிக்க உள்ளதாக கூறப்படுகிறது.
