சூப்பர்ஸ்டார் ரஜினிகாந்த், அமிதாப் பச்சன், பகத் பாசில், ராணா டகுபதி, மஞ்சு வாரியர், ரித்திகா சிங் உள்ளிட்ட பலர் முக்கிய கதாபாத்திரங்களில் நடித்திருக்கும் படம் வேட்டையன். ஜெய் பீம் படத்தின் மூலம் பெரும் கவனம் பெற்ற டிஜே ஞானவேல் இந்த படத்தை இயக்கியுள்ளார். மும்பை, ஹைதராபாத், சென்னை போன்ற இடங்களில் இப்படத்தின் ஷூட்டிங் நடந்து முடிந்திருக்கிறது.
வேட்டையன் படத்தின் இறுதிக்கட்ட வேலைகள் இன்னும் சில நாட்களில் நிறைவடையும் என்று கூறப்படுகிறது. இப்படம் தீபாவளி பண்டிகைக்கு ரிலீசாகும் என்று அறிவிக்கப்பட்டுள்ளது. போலி என்கவுண்டர்களுக்கு எதிரான கதைக்களம் கொண்ட இப்படத்தில் ரஜினிகாந்த் மிகவும் இளமையான தோற்றத்தில் காணப்படுகிறார்.
மும்பை, சென்னை, மற்றும் ஹைதராபாத் போன்ற நகரங்களில் படத்தின் சூட்டிங் நடைபெற்று வந்த நிலையில், ரஜினிகாந்த் தனது வேட்டையன் படத்தின் ஷூட்டிங்கை இன்றுடன் நிறைவு செய்தார். இதனை தொடர்ந்து, படக்குழுவினர் ரஜினிக்கு பூங்கொத்து வழங்கி வாழ்த்துக்களை தெரிவித்தனர்.
இன்னும் சில பேட்ச் வேலைகளை படத்தில் மேற்கொண்ட பிறகு, விரைவில் அவற்றை முடித்து போஸ்ட் புரொடக்ஷன் பணிகளை துவங்க உள்ளதாகவும் படக்குழுவினர் அறிவித்துள்ளனர். இந்த திரைப்படம் தீபாவளிக்கு முன்னிட்டு அக்டோபர் மாத இறுதியில் வெளியாகும் என தயாரிப்பு குழுவினர் முன்பே அறிவித்தது குறிப்பிடத்தக்கது.
