பிரபலமான வெற்றி படங்கள் காக்கா முட்டை, விசாரணை, கொடி, வட சென்னை ஆகியவற்றை தயாரித்த வெற்றி மாறனின் கிராஸ் ரூட் ஃபிலிம் கம்பனி, பிளாக் மெட்ராஸ் ஃபிலிம்ஸுடன் இணைந்து, புதிய திரைப்படமான மாஸ்க் தயாரிக்கின்றனர்.இந்த படத்தின் மூலம் நிர்வாக தயாரிப்பாளர் எஸ்.பி. சொக்கலிங்கம் தயாரிப்பாளர் அவதாரம் எடுக்கிறார்.
விகர்ணன் அசோக் இப்படத்தை இயக்குகிறார். இவர் தனது குறும்படமான ‘தருமி’ க்கு சிறந்த குறும்படத்திற்கான கோல்ட் மெடல் விருதைப் பெற்றவர்.
இத்திரைப்படத்தில் கதாநாயகனாக கவின் நடிக்கிறார். அவருடன் ஆண்ட்ரியா, சார்லி, ருஹானி ஷர்மா, பாலா சரவணன், வி.ஜே. அர்ச்சனா, சந்தோஷ் மற்றும் பலர் நடித்துள்ளனர்.
இப்படத்துக்கு ஜி.வி. பிரகாஷ்குமார் இசையமைக்கிறார். ஒளிப்பதிவை ஆர்.டி. ராஜசேகர் கவனிக்க, படத்தொகுப்பை ராமர் மேற்கொள்கிறார். கலை இயக்குனராக ஜாக்கி பணியாற்ற, ஆடை வடிவமைப்பாளர்களாக பூர்த்தி மற்றும் விபின் பணிபுரிகின்றனர். பூஜையுடன் துவங்கிய மாஸ்க் திரைப்படத்தின் படப்பிடிப்பு மே மாத இறுதியில் சென்னையில் தொடங்குகிறது.
