நடிகர் விக்ரம் தற்போது தங்கலான் படத்தில் நடித்திருக்கிறார். பா.இரஞ்சித் இயக்கியிருக்கும் இப்படம் ஆகஸ்ட் 15ல் வெளியாகிறது. கண்டிப்பாக இந்தப் படம் விக்ரமுக்கு ஒரு மெகா ஹிட் படமாக அமையும் என்று அவரது ரசிகர்கள் எதிர்பார்க்கிறார்கள். அடுத்ததாக அவர் அருண்குமார் இயக்கத்தில் வீர தீர சூரன் படத்தில் நடித்துவருகிறார். இதன் டைட்டில் டீசர் வெளியாகி சூப்பர் வரவேற்பை பெற்றது.
சித்தா படத்தின் இயக்குநர் அருண்குமார் இயக்கத்தில் வீர தீர சூரன் என்ற படத்தில் விக்ரம் நடிக்கிறார். ஜிவி பிரகாஷ் இசையமைக்கிறார். இதன் டைட்டில் டீசர் விக்ரமின் பிறந்தநாளை முன்னிட்டு சில நாட்களுக்கு முன்பு வெளியாகி பெரும் வரவேற்பை பெற்றது. கண்டிப்பாக இந்தப் படம் கமர்ஷியல் ரீதியாக ப்ளாக் பஸ்டர் ஹிட்டாகும் என்று ரசிகர்கள் கருதுகின்றனர்.
இந்நிலையில் வீர தீர சூரன் பற்றிய புதிய தகவல்கள் வெளியாகியிருக்கின்றன. அதாவது விக்ரம் இப்போது தங்கலான் படத்தின் ப்ரோமோஷன் பணிகளில் தீவிர கவனம் செலுத்தவிருக்கிறார். ப்ரோமோஷன் பணிகள் முடிந்த பிறகு வீர தீர சூரன் ஷூட்டிங் ஆகஸ்ட் இரண்டாவது வாரத்தில் தொடங்கும் என்றும் தென்காசி உள்ளிட்ட பகுதிகளில் ஷூட்டிங்கை நடத்த இயக்குநர் திட்டமிட்டிருப்பதாகவும் கூறப்படுகிறது.
