பிரபல பாடகி சித்ராவுடன் ஓணம் பண்டிகையை கொண்டாடிய பிண்ணனி பாடகிகள்…

கேரளாவில் மிகப் பெரிய அளவில் கொண்டாடப்படும் ஓணம் பண்டிகை இன்னும் சில நாட்களில் வர இருக்கிறது. திரையுலகைச் சேர்ந்த பிரபலங்களும், ஓணம் பண்டிகையை சிறப்பாகக் கொண்டாடி மகிழ்வர். அந்த வகையில், மலையாள பின்னணி பாடகர்கள் சங்கம், ஒரு தொலைக்காட்சி நிகழ்ச்சிக்காக ஓணம் பண்டிகை கொண்டாட்டத்தை ஏற்பாடு செய்துள்ளது.

பிரபல பின்னணி பாடகி சித்ரா இதில் முன்னணியாக இருந்து, பல பின்னணி பாடகிகள் இந்த நிகழ்ச்சியில் கலந்துகொண்டுள்ளனர்.இந்த நிகழ்ச்சியில் இசை சார்ந்த விளையாட்டுகள், அதாவதுஅந்தாக்ஷரி போன்ற பல வேடிக்கை விளையாட்டுகளும், இசை தொடர்பான போட்டிகளும் நடத்தப்பட்டு, மொத்த நிகழ்ச்சியும் உற்சாகமாகவும் மகிழ்ச்சியாகவும் நடைபெற்றுள்ளது. ஓணம் பண்டிகையன்று இந்த நிகழ்ச்சி, ஒரு பிரபல மலையாள தொலைக்காட்சியில் ஒளிபரப்பாக இருக்கிறது.