நெஞ்சம் உண்டு நேர்மை உண்டு ஓடு ராஜா படத்தை இயக்கிய பிளாக் ஷீப் யூடியூப் சேனலை சேர்ந்த இயக்குநர் கார்த்திக் வேணுகோபாலனின் இயக்கத்தில் ஹிப்ஹாப் தமிழா ஆதி நடிப்பில் உருவாகியுள்ள பிடி சார் படத்தின் டிரைலர் நேற்று வெளியானது. இதில், ஆதிக்கு ஜோடியாக காஷ்மிரா பர்தேசி நடித்துள்ளார், முக்கிய கதாபாத்திரத்தில் அனிகா சுரேந்திரன் நடித்துள்ளார்.இப்படத்தை வேல்ஸ் நிறுவனம் தயாரித்துள்ளது இந்நிலையில் இப்படவிழாவில் சிம்பு குறித்து எழுப்பப்பட்ட கேள்விக்கு பதில் அளித்துள்ளார் ஐசரி கணேஷன்.
மேலும், பாக்யராஜ், பாண்டியராஜன், பிரபு, தியாகராஜன், பட்டிமன்ற ராஜா மற்றும் தேவதர்ஷினி உள்ளிட்ட பலரும் இப்படத்தில் நடித்துள்ளனர். இந்த திரைப்படம் அடுத்த வாரம் மே 24-ஆம் தேதி திரையரங்குகளில் வெளிவருகிறது.வேல்ஸ் நிறுவனம் மூன்று படங்களை நடித்து தருவதாக சிம்பு உறுதி அளித்ததாக, கொரோனா குமார் படத்தில் இருந்து விலகியது பஞ்சாயத்தை ஏற்படுத்தியதாகவும் சிம்புவுக்கு ரெட் கார்ட் கொடுக்க வேண்டும் என்பதாக ஐசரி கணேஷ் தயாரிப்பாளர் சங்கத்தில் கோரிக்கை வைத்ததாக பரபரப்பு தகவல்கள் வெளியாகின.
கமல்ஹாசன் நடித்து வரும் தக் லைஃப் படத்தில் தற்போது சிம்பு நடித்து வருவதாகவும், அதில் அவர் நடிக்கவே கூடாது என்றும் அவருக்கு தடை விதிக்க வேண்டும் என ஐசரி கணேஷ் கூறியதாகவும், ஆனால் நேற்று நடைபெற்ற பிடி சார் ட்ரெய்லர் வெளியீட்டு விழாவில் அதற்கான விளக்கத்தை அவர் அளித்துள்ளார்.
நேற்று நடந்த பிடி சார் ட்ரெய்லர் வெளியீட்டு விழாவில் பத்திரிகையாளர்களை சந்தித்த ஐசரி கணேஷ், சிம்பு தொடர்பான கேள்விகளுக்கு பதிலளித்தார். சிம்பு நடிக்கவே கூடாது என தானே கூறவில்லை என்றும், தனது படத்தை முடித்து கொடுத்துவிட்டு தக் லைஃப் படத்தில் நடிக்கட்டும் என தான் கோரிக்கை வைத்திருப்பதாகவும் அவர் தெரிவித்துள்ளார்.
