நடிகர் பிரித்விராஜ் நடிப்பில், சில மாதங்களுக்கு முன்பு இரண்டு படங்கள், ஆடுஜீவிதம் மற்றும் குருவாயூர் அம்பலநடையில், வெளியாகின. இதில், ஆடுஜீவிதம் திரைப்படம், சீரியஸான கதை அம்சத்துடன் வெளிவந்தது. இதற்கு மாறாக, குருவாயூர் அம்பலநடையில் திரைப்படம் காமெடியில் கலக்கியிருந்தது. தற்போது, பிரித்விராஜ், மோகன்லாலை வைத்து, லூசிபர் படத்தின் இரண்டாம் பாகமான எம்புரான் படத்தை இயக்கி வருகிறார், இதன் படப்பிடிப்பு, இறுதி கட்டத்தை நெருங்கியுள்ளது.
இந்த நிலையில், அவர் நடிக்கும் புதிய படத்திற்கு “நோபடி” (Nobody) என்று தலைப்பு வைக்கப்பட்டு, அறிவிப்பு வெளியாகியுள்ளது. கடந்த வருடம், மம்முட்டி நடிப்பில் வித்தியாசமான ஹாரர் மிஸ்டரி திரில்லர் படமாக வெளிவந்த ரோஷாக் படத்தை இயக்கிய நிசாம் பஷீர், இந்த படத்தையும் இயக்க உள்ளார். இ4 என்டர்டைன்மென்ட் நிறுவனத்துடன் பிரித்விராஜும் இணைந்து இந்த படத்தை தயாரிக்கிறார்.
