தெலுங்கில் ரீமேக் ஆகும் சின்ன மருமகள் சீரியல் தொடர்!

தமிழ் தொலைக்காட்சிகளில் சீரியல்கள் ஒளிபரப்புவதில் கடும் போட்டி நிலவி வருகிறது. அதற்கேற்றார்போல் சேனல்களும் புதுப்புது கதைகளங்களுடன் தரமான சீரியல்களை தயாரித்து வருகின்றன. ஒரு காலத்தில் பிறமொழிகளிலிருந்து சீரியல்களை ரீமேக் செய்து வந்த நிலைமாறி தற்போது தமிழில் உருவாகும் சீரியல்கள் பிறமொழிகளில் ரீமேக் ஆகி வருகின்றன. அந்த வகையில் விஜய் டிவியில் ஒளிபரப்பாகும் சின்ன மருமகள் தொடர் தெலுங்கில் ரீமேக் ஆக உள்ளது. ஸ்டார் மா தொலைக்காட்சியில் ஒளிபரப்பாகவுள்ள இந்த தொடரை அன்னபூர்ணா ஸ்டூடியோஸ் தயாரிக்கிறது. தமிழில் நவீன், ஸ்வேதா, ஓஏகே சுந்தர் உள்ளிட்டோர் நடிக்கின்றனர்.